У Смаргоні на вуліцы Камсамольскай 29 снежня трактар з прычэпам збіў дзесяцігадовую дзяўчынку.
Як паведамляе ўпраўленне ДАІ УУС Гродзенскага аблвыканкама, трактарыст ехаў з ёлачнага базару. Школьніца бегла справа па ходзе руху транспартнага сродку па пешаходным пераходзе і атрымала шматлікія траўмы галавы. Да наезду дзяўчынка знаходзілася ў маці на працы, спяшалася сесці на аўтобус. Школьніца шпіталізаваная.
