Прэзідэнт Гандураса Хуан Арланда Эрнандэс распавёў пра планы навукоўцаў даследаваць закінуты ў джунглях раён, дзе, як мяркуецца, знаходзяцца руіны легендарнага «Горада малпінага бога».
Запаведнік Рыа-Платана ў Гандурасе, AFP
Гэта старажытнае паселішча, вядомае таксама як «Белы горад», славілася нечуваным па сваіх часах багаццем.
Скарбы «Горада малпінага бога» спрабавалі знайсці ў свой час яшчэ іспанскія каланізатары.
У 2012 годзе амерыканскія даследчыкі прадставілі знятыя з паветра дакументальныя кадры аднаго з куткоў біясфернага запаведніка Рыа-Платана ў Гандурасе.
На іх відаць руіны, якія, па словах археолагаў, могуць належаць легендарнаму старажытнаму гораду-дзяржаве.
Летась часопіс National Geographic паведаміў, што ў глыбіні запаведніка навукоўцы знайшлі дзясяткі артэфактаў, якія ўяўляюць сабой выразаныя з каменя фігуры і барэльефы, магільныя курганы і піраміды.
Прэзідэнт Эрнандэс заявіў, што новая археалагічная экспедыцыя пачне сваю працу на месцы выяўленых у джунглях руінаў у бліжэйшыя некалькі дзён.
