Рэгіянальны тэлеканал «Гродна Плюс» першым у краіне пачаў вяшчанне ў HD-фармаце. Сімвалічны пуск пераходу на перадачу відэа высокай выразнасці зроблены сёння ў час рэспубліканскага семінара аб рабоце сродкаў масавай інфармацыі ў Гродне.
Неабходнае абсталяванне было закуплена ў канцы 2015 года, а ўжо ў маі 2016-га канал пачаў тэставае вяшчанне ў новым фармаце. З гэтага дня відэа высокай выразнасці будзе даступнае ўсім гледачам тэлеканала. Акрамя таго, тэстуецца магчымасць уключэння канала ў пакет Zala.
«Гродна Плюс» працуе штодня з 7.00 да 23.00, акрамя таго, у структуру ўваходзіць радыё MFM 105.0, вяшчанне якога ажыццяўляецца ў кругласутачным рэжыме і пакрывае тэрыторыю ў радыусе 60 км ад Гродна. Штат прадпрыемства — 30 чалавек.
0
0
0
0
0
0
