У суботу ўвечары пасля трох дзён так званага перамір'я ў сірыйскай правінцыі Алепа аднавіліся жорсткія баі, паведамляе Бі-Бі-Сі са спасылкай на Сірыйскі цэнтр маніторынгу за выкананнем правоў чалавека.
Фото GETTY IMAGES
Так званыя «гуманітарныя паўзы» былі абвешчаныя на гэтым тыдні Расіяй, якая наносіць авіяўдары ў падтрымку сіл сірыйскага ўрада. Рэжым спынення агню павінен быў завяршыцца ў 19.00 па мясцовым часе 22 кастрычніка.
Але за трохдзённы перыяд гуманітарная дапамога так і не была дастаўлена мірным жыхарам.
ААН абвясціла, што адсутнасць гарантый бяспекі вымусіла яе адкласці планы па эвакуацыі параненых з горада.
Цэнтр маніторынгу адзначыў, што авіяўдары аднавіліся па ключавой лініі фронту на паўднёвым-захадзе горада.
Калісьці найбуйнейшы сірыйскі горад Алепа падзелены на дзве часткі: сілы Башара Асада кантралююць захад горада, паўстанцы ўтрымліваюць кантроль над усходнімі раёнамі.
