Праз рэзкае пахаладанне і моцны снегапад на дарогах Мінска значна ўскладніліся ўмовы. Адбыліся некалькі ДТЗ, рух па многіх вуліцах значна запаволены, у цэнтры і на кальцавой шматлікія заторы.
Інфармацыя з сайта «Яндекс.Пробки» на 17:55
Як паведамілі ў «Мінсктрансе», кіроўцы грамадскага транспарту перайшлі на рэжым «Бездарожжа», пры якім дазваляецца не прытрымлівацца графіка, а рухацца ў адпаведнасці з дарожнай сітуацыяй. У сувязі са складанымі ўмовамі надвор'я парушэнні графікаў да 25 хвілін назіраюцца па ўсіх кірунках гарадскіх маршрутаў.
Калі ласка, будзьце вельмі асцярожныя і ўважлівыя на дарозе, а таксама па магчымасці забірайце людзей з прыпынкаў транспарту.
