Святкаванне навагодняй ночы ў кафэ і рэстаранах Мінска каштуе ад Br100 на чалавека, паведаміў журналістам намеснік начальніка аддзела арганізацыі гандлю і грамадскага харчавання Мінгарвыканкама Аляксандр Фралоў.
«Кошт карпаратыўных мерапрыемстваў складзе ад Br50 з чалавека, у навагоднюю ноч — ад Br100 і вышэй», - сказаў Аляксандр Фралоў.
Каля 75% аб'ектаў грамадскага харчавання беларускай сталіцы ўжо забраніравана на абслугоўванне навагодніх і калядных вечароў.
