Прэзідэнт Расіі Уладзімір Пуцін у выступе перад абедзвюма палатамі Федэральнага сходу нагадаў аб юбілеі Лютаўскай і Кастрычніцкай рэвалюцый.
tass.ru
«2017 год — год стагоддзя Лютаўскай і Кастрычніцкай рэвалюцый. Гэта важкая падстава яшчэ раз звярнуцца да прычынаў і самой прыроды рэвалюцый у Расіі. Не толькі для гісторыкаў і навукоўцаў - расійскае грамадства мае патрэбу ў аб'ектыўным, сумленным, глыбокім аналізе гэтых падзей», — сказаў Пуцін.
Пры гэтым кіраўнік Расіі падкрэсліў, што «недапушчальна цягнуць расколы, злосць і крыўды мінулага» ў сучаснае жыццё. Паводле яго слоў, урокі гісторыі патрэбныя перш за ўсё для прымірэння.
«Недапушчальна ва ўласных палітычных іншых інтарэсах спекуляваць на трагедыі, якія закранулі практычна кожную сям'ю ў Расіі, па які б бок барыкад ні апынуліся тады нашы продкі», — заўважыў ён.
