Зорная сям'я — мадэль Юлія Касцюкевіч і тэлевядучы Дзяніс Кур'ян — зрабілі сэлфі ў кашулях з нацыянальным арнаментам ад фірмы «Honar». Адпаведнае фота з'явілася ў афіцыйнай суполцы брэнду.
Мы датэлефанаваліся да Юліі Кур'ян, каб распытаць, чаму яны вырашылі падтрымаць беларускі брэнд.
«Мы купілі гэтыя кашулі да аднаго з сямейных святаў. Мне падабаецца беларускі арнамент, нават таму што ён вельмі прыгожы. Яго сталі папулярызаваць, але шкада, як мне падаецца, што нашы дызайнеры трошкі сталі запавольвацца ў гэтым кірунку. Калі мы адпачываем дзесьці, то гэтыя кашулі заўсёды прыцягваюць увагу, а знаёмыя заўсёды цікавяцца, дзе набылі».
«Такога рода беларуская ідэнтыка паказвае, што мы беларусы і любім сваю краіну, — сказала «Нашай Ніве» Юлія Кур'ян. — Пры гэтым рэчы робяцца вельмі стылёва і якасна».
Сапраўды, беларускія знакамітасці апошнія гады ўсё часцей сталі паказвацца ў адзенні з нацыянальным характарам. Вось, напрыклад, спявак Аляксей Хлястоў надзеў нацыянальную кашулю:
Комік Вадзім Галыгін у вышымайцы:
Аляксей Грос, пераможца леташняга «Славянскага базару», выйграў конкурс у нацыянальнай кашулі:
А вось свецкая львіца Ірына Кабасакал і прафесійная мадэль Кацярына Озкан сфатаграфаваліся ў пляжных туніках з беларускім арнаментам.
Сцёбны гурт «Дразды» надзеў вышыванкі:
У аднаго з самых напампаваных беларускіх тэлевядучых Сашы Яраслаўцава ў гардэробе таксама прысутнічае нацыянальнае адзенне:
Гурт «NAVI» не толькі апранаецца па-беларуску, але яшчэ і спявае:
Спявак Tэа выступаў у вышымайцы на XV Нацыянальным фестывалі беларускай песні і паэзіі «Маладзечна-2015»:
У спорце таксама стаў заўважны гэты трэнд. Зборная Беларусі па футболе:
А ў такой форме летась беларускія спартоўцы былі на алімпіядзе ў Рыа. Дарэчы, нашу форму прызналі адной з самых прыгожых:
Чэмпіён свету па муай-тай беларус Дзмітрый Валент у канцы свайго фінальнага бою надзеў «вышыванку»:
Гімнастка Меліта Станюта — у світшоце з арнаментам:
Плыўчыха Аляксандра Герасіменя і футбаліст Віталь Радзівонаў у вышымайках на кубку «Мова-Сup»:
Зусім нядаўна міністр антыманапольнага рэгулявання і гандлю Уладзімір Калтовіч выклаў сэлфі ў вышыванцы:
А летась у майках з арнаментам на людзях з'явіўся Аляксандр Лукашэнка разам з сынам:
