Савецкі суд Гомеля 23 сакавіка арыштаваў блогера Максіма Філіповіча яшчэ на пяць сутак. Яго абвінавацілі ва ўдзеле ў мірнай акцыі пратэсту ў Брэсце.
Максім Філіповіч ужо адбывае 14-суткавы арышт за ўдзел у акцыі пратэсту супраць «дармаедскага» дэкрэта № 3 у Пінску.
Справу блогера разглядаў судзьдзя Аляксандр Мохараў. У залі прысутнічалі жонка і маці Філіповіча.
Суддзя зачытаў пратакол, на што Філіповіч адказаў: «Гэта страшная мана і паклёп. Ніякіх лозунгаў я не выкрыкваў і ў галаве калоны не ішоў. Я здымаў тое, што адбывалася на вуліцах Брэста».
Таксама Філіповіч сказаў, што спыніў галадоўку 18 сакавіка.
