У доме жонкі Міколы Статкевіча Марыны Адамовіч знікла ўся сувязь. Паводле яе слоў, не працуе хатні тэлефон, бяздротавы інтэрнэт і заблакаваная мабільная сувязь.
«Заблакаваныя ўсе каналы сувязі. Спрабуем разабрацца ў чым справа. Але ўсё адключана» — распавяла Марына Адамовіч, карыстаючыся мабільнай сувяззю знаёмых.
Марына Адамовіч сказала Свабодзе, што інфармацыя пра адмену 25 сакавіка шэсця ў Мінску гэта фэйк, і што профілі яе мужа ў сацыяльных сетках хутчэй за ўсё ўзламаныя.
