Аляксандр Лукашэнка ў свята Вялікадня запаліў свечку ў храме Прэабражэння Гасподняга ў горадзе Барань Аршанскага раёна.
Ля ўваходу ў храм кіраўніка краіны сустрэлі архіепіскап Віцебскі і Аршанскі Дзімітрый і настаяцель храма іерэй Вадзім Котаў.
Аляксандр Лукашэнка перадаў у дар храму ікону «Ісус Хрыстос Усетрымальнік». Абраз напісаны ў стылістыцы Веткаўскай школы іканапісу і выкананы ў тэхніцы васковай тэмперы.
Кіраўніку дзяржавы паднеслі ў дар абраз Аляксандра Неўскага.
