Новы кіраўнік ФХБ Сямён Шапіра расказаў аб будучых зменах у функцыянаванні лядовых арэн.
— Мяркую, што ўвесь лёд павінен быць заняты. Павінны быць трэніровачныя працэсы. Дзеці павінны трэніравацца. І павінны быць каманды. Дух спаборнасці зацікаўлівае заўзятараў, дае магчымасць атрымліваць задавальненне ад наведвання лядовых арэн. Гэта вельмі важная і патрэбная справа, каб у кожным лядовым палацы была хакейная каманда, - сказаў Шапіра ў эфіры «Беларусь-1».
Нагадаем, у Беларусі функцыянуе 32 лядовыя арэны.
