Міжнародны калектыў планетолагаў высветліў, што ў нетрах Месяца ёсць вада. Адпаведнае даследаванне апублікавана ў часопісе Nature Geoscience.
Спецыялісты вывучылі дадзеныя, атрыманыя з індыйскага месяцовага спадарожніка Chandrayaan-1. З дапамогай спектральнага аналізу быў вызначаны хімічны склад старажытных вулканічных адкладаў на паверхні нябеснага цела, якія выявіліся багатыя вадой.
Вонкі вада разам з вулканічнымі пародамі, як мяркуюць навукоўцы, трапіла з нетраў Месяца ў старажытнасці. Гэта даказвае, што яны і цяпер ёю поўныя.
Вулканічныя часціцы ўтрымліваюць, паводле ацэнак даследчыкаў, каля 0,05 % (па масе) вады. Спецыялісты мяркуюць, што вада можа быць вынятая і выкарыстаная ў планаваных месяцовых місіях.
Навукоўцы не ведаюць дакладнага паходжання вады ў нетрах зямнога спадарожніка. Раней яе сляды ў нябесным целе былі выяўленыя місіямі Apollo, падчас якіх на Зямлю дастаўляліся ўзоры грунту. Акрамя таго, вадзяны лёд змяшчаецца ў прыцемненых кратэрах на полюсах Месяца.
