У Мінску на вуліцы Ціміразева, 72/1 адкрыўся яшчэ адзін пункт для зарадкі электрамабіляў. Ініцыятыву праявіла новая СТА сеткі Bosch Service. AUTO.TUT.BY высветліў, хто і калі зможа зараджаць там свой аўтамабіль і ў чым выгада для самой СТА.
Фота: Павел Мурашка
Устаноўкай зарадных станцый для электрамабіляў займаецца канцэрн «Белнафтахім» на АЗС «Беларуснафта». Ёсць цікавасць і з боку прыватнага інвестара, які гатовы стварыць сетку з 500 электразаправак. Аказалася, што і адносна невялікія кампаніі праяўляюць ініцыятыву ў гэтым кірунку.
Дзяніс Сітнічэнка, дырэктар «Бош Аўто Сэрвіс Н3О» распавёў аб новай электразапраўцы:
«У цяперашні час зарадзіцца на станцыі можа любы ахвотны, і зрабіць гэта можна цалкам бясплатна. Зарадка ўжо абкатаная, уладальнікі электрамабіляў прыязджалі, засталіся задаволеныя. Магутнасць 25 кВт, то бок нават Tesla зарадзіцца прыкладна за 5 гадзін. Ноччу магчымасць зарадзіцца не гарантуецца, але падчас працы СТА — з 8.30 раніцы да 8.30 вечара праблем не будзе».
Цяпер у Мінску працуюць шэсць грамадскіх электразаправак, дзе можна зарадзіць свой электрамабіль.
