У Валожыне конь пакусаў аўтамабіль мясцовай жыхаркі, жывёлу шукаюць, паведамілі ў ДКСЭ па Мінскай вобласці.
У верасні ў міліцыю звярнулася жыхарка горада Валожын з заявай аб пашкоджанні яе асабістага новага аўтамабіля Renault Duster.
Для высвятлення ўсіх абставін у складзе следча-аператыўнай групы на месца выехаў і эксперт-крыміналіст Дзяржкамітэта судовых экспертыз. Вынікі агляду пашкоджанняў на аўтамабілі аказаліся нечаканымі. Гэта былі сляды ад зубоў жывёлы, імаверна, каня.
З аднаго боку, эксперт выключыў факт злачыннага дзеяння чалавека. Але з іншага, цяпер супрацоўнікам Валожынскага РАУС неабходна знайсці вінаватую жывёлу, якой аўтамабіль прыйшоўся да смаку, а таксама яе гаспадара.
0
0
0
0
0
0
