Мясцовым гарадскім адміністрацыям (хакіміятам) гарадоў Узбекістана забаранілі прыцягваць работнікаў адукацыйных і медыцынскіх устаноў да збору металалому. У сілу забарона ўступіць з 2018 года, гаворыцца ў пастанове прэзідэнта краіны Шаўката Мерзіёева.
Традыцыя прымусова прыцягваць работнікаў медыцынскіх і адукацыйных устаноў, а таксама навучэнцаў да збору металалому захавалася ва Узбекістане з савецкіх часоў. Акрамя таго, улады рэгулярна прыцягваюць навучэнцаў і бюджэтнікаў для ўборкі і добраўпарадкавання вуліц, перапісу насельніцтва, уборкі бавоўны і будаўніцтваў жылля.
У верасні прэм'ер-міністр Узбекістана Абдула Арыпаў запатрабаваў забараніць прыцягваць навучэнцаў і работнікаў бюджэтных сфер да збору бавоўны.
Афіцыйна выкарыстанне дзіцячай працы ў краіне спынена ў 2015 годзе. Але, як пісала Reuters, Узбекістан дагэтуль уваходзіць у топ-5 парушальнікаў, згодна з Глабальным індэксам рабства праваабарончай арганізацыі Walk Free Foundation. Да прымусовай працы, па іх дадзеных, прыцягнуты да 4% насельніцтва краіны, якія фактычна жывуць ва ўмовах рабства. Першае месца ў антырэйтынгу займае КНДР.
