Бакіеў у Мінску падчас прэзентацыі сваёй кнігі 22 кастрычніка 2015 года, фота Сяргея Зініна
Экс-прэзідэнта Кыргызстана Курманбека Бакіева, звергнутага ў красавіку 2010 года, і яго малодшага брата Жаныбека Бакіева завочна асудзілі на 10 гадоў пазбаўлення волі, піша РБК
Суд прызнаў братоў (Жаныбек займаў пасаду кіраўніка Службы дзяржаўнай аховы) вінаватымі ў «незаконнай трансфармацыі зямель сельгаспрызначэння ў прызначаныя для будаўніцтва жылля ўчасткі».
У 2014 годзе Бакіевы атрымалі пажыццёвае зняволенне за расстрэл дэманстрацыі ў Бішкеку ў красавіку 2010 года. Гэтыя падзеі каштавалі Курманбеку Бакіеву прэзідэнцкага фатэля. Тады прысуд таксама быў вынесены завочна, паколькі Бакіевы адразу пасля красавіцкіх падзей беглі з краіны ў Беларусь.
