Савет дырэктароў расійскага манапаліста Газпром выбраў Міхаіла Пуціна намеснікам старшыні праўлення кампаніі тэрмінам на пяць гадоў.
Новы намеснік старшыні праўлення з'яўляецца стрыечным пляменнікам прэзідэнта Расіі Уладзіміра Пуціна.
У кампаніі адзначаюць, што ў 2007-2018 гады Пуцін быў дарадцам старшыні праўлення Газпрома.
Ён таксама валодае пакетам у 0,000313% акцый Газпрома — яго бягучы кошт складае каля 176 тысячаў даляраў.
