Якія спецыялісты будуць карыстацца попытам у будучыні? Ці застануцца на піку папулярнасці дакладныя навукі? Такія пытанні задаюць сабе многія школьнікі і студэнты. Гэтай праблеме была прысвечаная размова спецыялістаў у літоўскім выданні Žinių radijas, піша DELFI.lt.
Попытам будуць карыстацца інжынеры, аналітыкі, тэхнолагі, спецыялісты ў сферы ІТ.
Аднак школьнікі ўсё яшчэ занадта вузка разумеюць што такое інжынер: «Многія думаю, што інжынер павінен выконваць пэўную працу, напрыклад, стварыць прадукт, які больш эфектыўна будзе замешваць цеста ў пякарні». «Важна ставіцца да інжынерыі не толькі як да спецыяльнасці, але і як да набору кампетэнтных ведаў», — лічаць суразмоўцы выдання.
Цяпер мала быць добрым інжынерам, трэба крыху разбірацца ў фінансах, сацыяльных навуках, каб усё аб'ядноўваць, ствараючы прадукт.
У гэтым і сутнасць: аб'яднанне розных сфер кампетэнтнасці, каб канцэнтравацца на дзейнасці, якая стварае самы высокі ВУП», адзначаюць эканамісты.
Працадаўцы хочуць, каб інжынеры валодалі замежнымі мовамі, былі сацыяльна адчувальнымі, разбіраліся б у псіхалогіі. Таму мала быць спецыялістам у адной нейкай вузкай сферы.
«Вузкая спецыялізацыя, верагодна, будзе перададзена робатам, а аб'яднанне спецыялізацый стане хлебам людзей», — лічаць суразмоўцы выдання,
Асноўнай здольнасцю, якая будзе высока цаніцца, стане здольнасць да навучання.
Навучанне на працягу ўсяго жыцця — гэта пастаянны працэс, важны для кожнага з нас, лічаць літоўскія спецыялісты.
