У Астраўцы патануў мужчына, паведамляе БелТА.
Трагедыяй скончылася прагулка па тонкім лёдзе для жыхара Астраўца. Мужчына 1980 года нараджэння вырашыў зрэзаць шлях і перайсці праз вадаём у цэнтры горада. Лёд не вытрымаў, і мужчына апынуўся ў вадзе. Яго заўважылі, выклікалі дапамогу, аднак выратаваць не паспелі: ён схаваўся пад вадой.
«Выхад на лёд можа быць смяротна небяспечным. Ідзе яго інтэнсіўнае раставанне», — адзначылі ў Гродзенскай абласной арганізацыі Беларускага рэспубліканскага таварыства выратавання на водах. Прычым лёд ужо сышоў нават на вялікіх вадаёмах. У прыватнасці, чыстая вада на Зэльвенскім вадасховішчы. Практычна няма лёду на возеры Белым ў Гродзенскім раёне. На Юбілейным возеры каля Гродна таўшчыня лёду не перавышае 5-7 см, ён друзлы і нетрывалы. У Гродзенскай вобласці дзейнічае забарона выхаду на тонкі лёд. У рэгіёне вадаёмы патрулююцца супрацоўнікамі ОСВОД, МНС і органаў унутраных спраў. З пачатку года папярэджаны больш за 700 чалавек, 13 чалавек у рэгіёне былі выратаваны.
