Супрацоўнікі ДАІ затрымалі пад Скідалем нецвярозага кіроўцу маршруткі «Мінск-Гродна», паведамляе УДАІ УУС Гродзенскага аблвыканкама.
Прыкладна ў 10.20 20 ліпеня на 245-м кіламетры аўтадарогі Мінск-Гродна паблізу Скідаля інспектарам у поле зроку трапіў аўтамабіль «Пежо» з рэгістрацыйнымі знакамі жоўтага колеру. Маршрутнае таксі спынілі.
Супрацоўнікі ДАІ пачалі падазраваць, што кіроўца быў п'яны. Мужчыну прапанавалі прайсці агляд, які пацвердзіў здагадку інспектараў. 46-гадовы жыхар Мінска сапраўды быў п'яны: у яго арганізме выяўлена звыш 0,5 праміле алкаголю. Са слоў парушальніка, ён выпіваў днём 19 ліпеня, а раніцай 20-га, калі адпраўляўся ў рэйс, ніякіх прыкмет ап'янення не адчуў.
0
0
0
0
0
0
