Улады Эстоніі рыхтуюцца адказаць на кібератакі на свае структуры, у арганізацыі якіх абвінавачваюць Расію. Спецыяльна для гэтага краіна ўслед за хаўруснікамі ў НАТА стварае падраздзяленні кібервойскаў.
Інтэнсіўнасць хакерскіх нападаў, адзначаюць у Таліне, за апошні год узрасла на 20%. У новую структуру арміі Эстоніі ўжо залічылі 300 чалавек, узначальваць падраздзяленне будзе генерал Андрэс Херк.
У Эстоніі знаходзіцца цэнтр кіберабароны НАТА, дзе летась праходзілі першыя кібервучэнні для кіраўнікоў міністэрстваў абароны Еўрасаюза.
У 2007 годзе ўрадавыя серверы, банкі і СМІ Эстоніі сталі ахвярамі буйной хакерскай атакі. Талін абвінаваціў у гэтым Маскву.
