У Грузіі ўступілі ў сілу рэгуляцыі, якія забараняюць вытворчасць, імпарт і рэалізацыю поліэтыленавых пакетаў таўшчынёй менш за 15 мікрон. Пра гэта паведамляе Грузія-анлайн.
Вытворцы павінны будуць таксама наносіць лагатып і назву кампаніі на кожны пакет. Мяркуецца, што такія меры дапамогуць знізіць забруджванне навакольнага асяроддзя.
З красавіка 2019 года ў краіне будуць забароненыя пакеты любой таўшчыні - вытворцам прапануюць рэалізоўваць толькі пакеты, што біядэградуюць.
Парушальнікі будуць аштрафаваныя на 500 лары (каля 200 даляраў), а тавар канфіскаваны. Пры паўторным парушэнні сума штрафу павялічыцца ў два разы.
0
0
0
0
0
0
