Пад Слуцкам бензавоз урэзаўся ў фуру. Кіроўцу разам з кабінай выкінула на дарогу. Аварыя адбылася 28 лістапада каля 17 гадзін у раёне вёскі Бязверхавічы, піша kurjer.info
Нясвіжскі бензавоз ехаў у бок Слуцка. Праехаўшы мост праз раку Лакнея, кіроўца выехаў на «сустрэчную» для абгону, але урэзаўся лоб у лоб у фуру «Сканія».
Ад моцнага ўдару ў бензавоза вырвала кабіну. «Яна разам з кіроўцам праляцела праз дарогу. А фура з'ехала ў кювет», - кажуць відавочцы.
Абодва кіроўцы дастаўлены ў слуцкую бальніцу. Вядома, што мужчына, які кіраваў бензавозам, ў цяжкім стане.
