У аўторак, 5 сакавіка, на тэрыторыі трох ключавых транспартных вузлоў Лондана паліцыя выявіла тры пакеты з невялікімі самаробнымі выбуховымі прыладамі, паведамляе BBC.
Тры пасылкі з выбухоўкай выявілі ў аэрапорце Хітроў, аэрапорце Лондан-Сіці і на чыгуначнай станцыі Ватэрлоа.
У паліцыі паведамілі, што «невялікія самаробныя выбуховыя прылады» былі запакаваныя ў паштовыя канверты фармату А4.
Контртэрарыстычнае падраздзяленне паліцыі Лондана пачало расследаванне. Следства лічыць, што гэтыя інцыдэнты звязаныя паміж сабой.
Ніхто з пасажыраў або работнікаў не пацярпеў.
0
0
0
0
0
0
