У Брэсце разглядаецца пытанне перайменавання абласной бібліятэкі імя Горкага. Сярод гістарычных фігур, чыё імя магла б насіць установа культуры, — Мікалай Радзівіл Чорны, паведаміў журналістам старшыня Брэсцкага гарвыканкама Аляксандр Рагачук, піша Tut.by.
Фота: Брэсцкая газета.
Канчатковае рашэнне па пытанні пакуль не прынята. Зараз гарадскія ўлады абмяркоўваюць ініцыятыву з усімі зацікаўленымі структурамі.
Па словах мэра, назваць бібліятэку ў гонар Мікалая Радзівіла Чорнага прапанавана не выпадкова: дзяржаўны дзеяч часоў ВКЛ праславіў Брэст выданнем Бібліі, якую затым сталі называць брэсцкай. Акрамя таго, ён адкрыў у горадзе друкарню.
Брэсцкая абласная бібліятэка была адкрыта ў 1940 годзе. У якім годзе і чаму бібліятэка была названая імем Максіма Горкага, невядома.