23 сакавіка, у суботу, у Гродне адбудзецца асноўны канцэрт да святкавання БНР-101.
Чытайце: Цэнтрам святкавання Дня Волі — 2019 стане Гродна. Арганізатары патлумачылі, як дапамагчы Святу
Асноўнае злучэнне сталіцы з гэтым горадам ідзе шашой, а не чыгункай.
Даехаць да Гродна з Мінска ў суботу і ў прымальны час, каб паспець на малебен і канцэрт, можна толькі ранішнім цягніком 673Б, які адыходзіць а 7-й раніцы.
Чытайце: З дабраславення архіепіскапа Арцемія перад #БНР101 у Каложы будуць маліцца за Беларусь
Ужо ў чацвер, 21 сакавіка, каля абеду квіткоў на яго амаль не заставалася — аўтар гэтых радкоў паспеў ухапіць адзін з апошніх пяці.
Але ўжо пад вечар квіткі з'явіліся, станам на абед пятніцы застаецца каля 50 непрададзеных квіткоў у вагонах №30 і №31.
Выглядае, што гэтыя вагоны дадатковыя.
Але памылковым будзе лічыць, што гэта зроблена спецыяльна, каб больш мінчукоў трапілі ў Гродна — гэта заведзеная практыка нашай чыгункі, якая прычапляе дадатковыя вагоны па ўнутраных кірунках, калі яны карыстаюцца звышпопытам.