fontanka.ru
63-гадовая жыхарка Пецярбурга загінула пасля прарыву трубаправода з гарачай вадой каля жылога дома ў Краснасельскім раёне горада, паведамляе расійскі Следчы камітэт.
Аварыя адбылася ў ноч на 8 красавіка. Гарачая вада выбіла акно і рамы ў кватэры, размешчанай на першым паверсе. Жанчына загінула ад тэрмічных апёкаў. Яе 39-гадовы сын таксама атрымаў апёкі.
Заведзена крымінальная справа аб аказанні паслуг, якія не адпавядаюць патрабаванням бяспекі.
Капітальны рамонт труб у гэтым раёне праводзілі ў 1994 годзе
