37-гадовы магілёвец па просьбе знаёмага аформіў на сябе крэдыт на дарагі тэлефон, а той не стаў яго выплачваць. Дзялком аказаўся раней не судзімы 17-гадовы навучэнец аднаго з каледжаў горада.
Хлопец вельмі хацеў сабе «IPhone7 plus» з бесправаднымі навушнікамі фірмы Apple на агульную суму амаль 2 200 рублёў, але грошай не было. Тады ён папрасіў знаёмага ўзяць гаджэты ў крэдыт, абяцаючы спраўна плаціць за іх. Аднак слова не стрымаў — ледзь тэлефон і навушнікі апынуліся ў яго ў руках, ён перастаў выходзіць на сувязь.
Мужчына самастойна плаціць за гаджэты не мог і звярнуўся да праваахоўнікаў. Вырашаецца пытанне аб завядзенні крымінальнай справы за махлярства.
0
0
0
0
0
0
