У гарадскім пасёлку Шуміліне пад машынай заціснула чалавека. Калі ратавальнікі прыехалі на месца здарэння, то ўбачылі, што пад легкавым аўтамабілем на прыватным падворку заціснуты 70-гадовы мужчына, паведамляе МНС.
Пенсіянера ўдалося вызваліць з дапамогай гідраўлічнага аварыйна-выратавальнага абсталявання. Пасля агляду медыкаў мужчына адмовіўся ад шпіталізацыі.
Пенсіянер распавёў, што сабраўся адрамантаваць машыну, падняў яе на дамкраце і залез пад аўто. У нейкі момант дамкрат з'ехаў і мужчыну заціснула аўтамабілем.
