Супрацоўнікам МНС 13 красавіка ў 11.02 паступіла паведамленне аб узгаранні травы ў яры каля Дняпра ў гарадскім пасёлку Стрэшын Жлобінскага раёна, паведамляе сайт Гомельскага ўпраўлення МНС. На схіле яра, у кучы смецця, якое тлела, яны выявілі абгарэлае цела мужчыны.
Фота Гомельскага ўпраўлення МНС.
Было высветлена, што 74-гадовы пенсіянер высякаў галінкі кустоў для гаспадарчых патрэб на схіле яра, пры спуску спатыкнуўся, упаў, страціў прытомнасць і скаціўся ў тлеючую кучу смецця. Прычыны ўзгарання, а таксама смерці мужчыны высвятляюць супрацоўнікі Следчага камітэта.
