Красавік 2019 года быў надзвычай паспяховым для сайта «Нашай Нівы». Колькасць унікальных карыстальнікаў і візітаў дасягнула гістарычнага максімума.
За месяц сэрвіс Google Analytics налічыў 899 тысяч унікальных карыстальнікаў. Для нас важна, што гэта не залётныя госці аднекуль з-за мяжы, якія трапляюць на сайт па клікбэйтных спасылках. 83% карыстальнікаў — жыхары Беларусі.
Гэтыя чытачы заходзілі на сайт не аднойчы, а па некалькі разоў. У выніку агулам было зафіксавана 2,43 мільёна візітаў. Гэта таксама рэкорд.
Нарэшце, кожны наведнік, пераходзячы па спасылках, адкрывае больш за 4 тэксты — гэта адзін з найвышэйшых паказчыкаў сярод навіновых рэсурсаў. Такім чынам, сістэма і налічыла больш за 10 мільёнаў адкрытых старонак.
0
0
0
0
0
0
