На абноўленым участку трасы М6 ад Іўя да Ліды 4 чэрвеня адкрылі рух па чатырох палосах, паведамляе БелТА.
«На ўчастку працягласцю каля 30 км ад Іўя да Ліды завершаны агульнабудаўнічыя працы. Дарога пашырана з дзвюх да чатырох палос руху (па 2 паласы ў кожным напрамку). На раздзяляльнай паласе ўстаноўлена агароджа», — адзначылі ў «Гроднааўтадоры».
Як чакаецца, рух па чатырох палосах неўзабаве будзе адкрыты на ўсім працягу трасы.