Фота БелТА
У Мінску ў цэнтры тэніса прайшоў майстар-клас Вікторыі Азаранкі для юных тэнісістаў трох асноўных сталічных школ. Пасля майстар-класа Азаранка размаўляла са СМІ, піша kp.by
- Вельмі горача, нават не звыкла. Даўно не была летам у Мінску. Прыемна быць дома. Добра, што атрымалася такая магчымасць перазарадзіцца, падрыхтавацца да турніраў на траве. Згуляю турнір на Мальёрцы, потым Уімблдон.
Турніры на грунце атрымаліся лепш, чым у мінулым годзе. І псіхалагічна было лягчэй, змагла атрымаць задавальненне.
Я ў Мінск прыехала разам з сынам Леа. Хочацца, каб ён пабыў дома з роднымі. Яму вельмі падабаецца паліваць газон, яшчэ спадабалася рыбалка.
Леа вельмі цікавы спорт. Учора ён быў са мной на трэніроўцы, кідае мячы. У яго вельмі добрая каардынацыя. Яшчэ яму падабаецца бейсбол і на каньках ён ужо стаяў.
