Мінулай ноччу не стала музыканта Леаніда Нарушэвіча, піша Радыё Рацыя.
Леанід Нарушэвіч пачаў граць напрыканцы 1980-х, быў чальцом гуртоў «Інтэр» і «Зарціпо», працаваў гукарэжысёрам на розных мінскіх радыёстанцыях.
У 1991-м стварыў уласны калектыў інтуітыўнай імправізацыі «Князь Мышкін», з якім выступаў да апошніх дзён. Праз гурт прайшлі дзясяткі музыкаў розных пакаленняў, засталіся дзясяткі студыйных і канцэртовых запісаў. За час існавання гурт паспеў выступіць у розных гарадох Беларусі, Польшчы, Чэхіі, Літвы ды Расіі, паўдзельнічаць у тэатральных пастаноўках, тэлеперадачах і фестывалях, запісаў шэраг саўндтрэкаў для кіно. Цягам 1990-х Леанід Нарушэвіч праводзіў уласны фэст «Сіні Перац».
0
0
1
0
0
0
