Для вырашэння большасці пытанняў, якія паступаюць ад грамадзян, дастаткова моцнага гаспадарчага падыходу. Такое меркаванне выказаў памочнік Лукашэнкі — інспектар па Гомельскай вобласці Юрый Шулейка пасля заканчэння прамой тэлефоннай лініі з насельніцтвам вобласці, перадае БелТА.
Усяго на працягу дзвюх гадзін да яго звярнуліся 37 чалавек.
«30 з 37 пытанняў будуць вырашаны практычна адразу. Усе яны аб'ектыўныя, жыццёвыя і вырашальныя. Пры гэтым не патрабуюць сур'ёзных капітальных укладанняў. Дастаткова моцнага гаспадарчага падыходу», — падкрэсліў Юрый Шулейка. Шмат пытанняў датычылася дарог.
Па кожным агучаным пытанні прызначаны адказныя спецыялісты.
