На Парыжскім авіяшоу ізраільская кампанія Eviation Aircraft прадставіла першы ў свеце цалкам электрычны самалёт, піша The Times of Israel.
Паведамляецца, што 65% вагі гэтага самалёта складаюць акумулятары, якія сілкуюць электрарухавікі.
Цягу ствараюць тры прапелеры, якія на адным зарадзе акумулятараў могуць даставіць 9 пасажыраў і двух членаў экіпажа на максімальную адлегласць у 1000 км. Па словах распрацоўшчыкаў, на кароткіх дыстанцыях агульны кошт эксплуатацыі самалёта можа знізіцца ў пяць разоў, у параўнанні з бягучымі рынкавымі цэнамі.
Праўда, цалкам электрычнаму самалёту Alice трэба будзе яшчэ некалькі гадоў тэставых палётаў для атрымання ліцэнзій.
