Назіральнікі, якія працуюць на Адзіным дні галасавання ў Расіі, паведамілі, што бачылі і змаглі зняць на відэа некалькі укідаў бюлетэняў у розных гарадах, паведамляе тэлеканал «Настоящее время».
Гэты ўкід адбыўся на ўчастку №291 у Казані. Назіральнікі ад КПРФ звярнулі ўвагу на незвычайны шум, з якім быў укінутаяы пачак бюлетэняў у скрыню.
У падмаскоўным Сергіевым Пасадзе кандыдат ад партыі «Яблык» Спіртава зняла відэа, на якім бачны пачак бюлетэняў у памяшканні ўчастковай камісіі №4052. На відэа сцвярджаецца таксама, што яшчэ два такія ж пачкі ўжо ляжаць у скрыні. У памяшканні камісіі працуе нарад паліцыі.
Пра ўкід на ўчастку ў Пяроўскім раёне Масквы распавёў «Эху Москвы» кандыдат у дэпутаты Масгардумы КПРФ Павел Тарасаў. Паводле яго слоў, жанчына, якая ўкідвала бюлетэні, сышла са словамі: «Паспрабуйце дакажыце».
Назіральнікі «Аб'яднаных дэмакратаў» у Санкт-Пецярбургу паведамілі пра ўкід у Пецярбургу (Купчына). Па іх словах, усе ўкінутыя бюлетэні былі за в.а. губернатара Бяглова:
Раней у тым жа Купчыне члены выбарчай камісіі выехалі да надомнікаў без папярэджання назіральнікаў з «велізарным» пачкам бюлетэняў. Паводле назіральнікаў, яны амаль гадзіну былі вымушаныя «ганяцца» за машынай з бюлетэнямі, але беспаспяхова: той ўдалося адарвацца і з'ехаць.
Іншы ўкід на ўчастку №1615 УВК у Петраградскім раёне Пецярбурга зняла член камісіі з правам дарадчага голасу Валерыя Гарачава. Паводле яе слоў, малады чалавек спрабаваў укінуць у скрыню чатыры бюлетэні з птушачкамі насупраць кандыдатаў ад «Адзінай Расіі».
