Фота з Вікіпедыі
Новым дарадцам прэзідэнта ЗША Дональда Трампа па пытаннях нацыянальнай бяспекі стане Роберт О'Браен, які займаў да гэтага часу пасаду спецпрадстаўніка прэзідэнта па сітуацыях з закладнікамі.
Пра хуткае прызначэнне О'Браена паведаміў сам Трамп.
«Я доўга і шмат працаваў разам з Робертам. Ён выдатна папрацуе», — напісаў Трамп у твітары.
На пасадзе дарадцы па нацыянальнай бяспецы О'Браен зменіць Джона Болтана, якога Трамп звольніў 10 верасня, патлумачыўшы сваё рашэнне наяўнасцю рознагалоссяў.
