«Наша Ніва» пацікавілася ў каталіцкага арцыбіскупа Тадэвуша Кандрусевіча, якія думкі ён мае пра здарэнне ў Гомельскай школе.
«Сітуацыя нагадвае пра тое, што нешта з выхаваннем маладога чалавека нешта трэба рабіць. Трэба каб і настаўнік адчуваў праблемы вучня, але і вучань павінен бачыць настаўніка ў тым, хто яго выхоўвае. Праблем шмат! Мы бачым Стоўбцы: малады чалавек жыцці загубіў! І настаўніка, і сябра свайго. А хто правы, хто вінаваты ў Гомелі мне цяжка ацэньваць. Гэта праблема духоўнага стану нашага грамадства, такія рэчы не павінны здарацца — гэта сігнал, што духоўнае выхаванне кульгае моцна, што трэба штосьці рабіць. А рэцэпты ёсць. Духоўны элемент павінен прысутнічаць у выхаванні маладога чалавека! У школе вучаць, напэўна, добра? Але чалавек гэта не толькі цела, але і душа. Можна вывучыць суперспецыяліста, але яшчэ і чалавекам трэба навучыць быць. І хтосьці павінен выхаваць гэта: чаму няма капеланаў ні ў школе, ні ва ўніверсітэце, ні ў войску? Не пра пастарскае гаварыць, а пра духоўнае».
