У метро цягнік спынілі ў тунэлі паміж станцыямі «Міхалова» і «Грушаўка» з-за тэхнічнай няспраўнасці, паведамляе прэс-служба метрапалітэна.
Інцыдэнт адбыўся 2 кастрычніка ў 13:42. Машыніст выявіў тэхнічную няспраўнасць саставу, спыніў яго на перагоне і агледзеў адзін з вузлоў. Пасля гэтага цягнік прыбыў на станцыю «Грушаўка», дзе высадзіў пасажыраў.
Цягнік быў накіраваны ў дэпо для тэхнічнага абслугоўвання, рух цягнікоў адкарэктавалі.
