Здарэнне адбылося ў ноч на 9 кастрычніка. Пра выпадак паведамляе ў сваім тэлеграм-канале прэс-служба СК.
У кватэры жылі мужчына і жанчына. Напярэдадні паміж імі адбыўся канфлікт, пасля якога мужчына пайшоў з кватэры.
Праз нейкі час вырашыў вярнуцца, але, зайшоўшы ў адзін з пакояў, пабачыў сужыцельку, што ляжала на канапе з другім мужчынам.
З рэўнасці гаспадар схапіў кухонны нож і нанёс 48-гадоваму госцю ўдары па галаве і целе, ад якіх той памёр.
З месца здарэння мужчына ўцёк, аднак неўзабаве быў затрыманы.
Вядома, што ў момант забойства ён быў ў стане алкагольнага ап'янення. Раней мужчына не быў судзімы.
