У тарыфы на электраэнергію ўключаць выдаткі на вывад Беларускай АЭС з эксплуатацыі, паведамляе БелТА.
Дырэктар дэпартамента па ядзернай энергетыцы Міністэрства энергетыкі Васіль Палюховіч распавёў, што згодна з нашым заканадаўствам ствараюцца фонды зняцця з эксплуатацыі і іншыя фонды (напрыклад, страхавыя) па абыходжанні з палівам і гэтак далей.
— У нас усе гэтыя выдаткі будуць уключаны ў тарыф на электраэнергію, — дадаў Палюховіч.
Генеральны дырэктар БелАЭС Міхаіл Філімонаў праінфармаваў, што дакладныя тарыфы будуць вядомыя, калі скончацца ўсе будаўнічыя работы і будуць зразумелыя выдаткі.





