Міністр энергетыкі Літвы Жыгімантас Вайчунас запэўнівае, што Літва прыме ўсе меры, каб на рынак краіны не трапляла электраэнергія з Астравецкай АЭС, піша Delfi.lt
«Мэта — каб ніводная кілават-гадзіна не патрапіла на нашу біржу электраэнергіі, і калі спатрэбіцца, то мы будзем выкарыстоўваць усе неабходныя прылады. Якімі яны могуць быць, сёння я не магу сказаць канчаткова - мы проста назіраем за сітуацыяй і прымаем такія меры, якія неабходныя для гэтага перыяду часу і гэтай сітуацыі», — сказаў Вайчунас.
