Калі вас раздражняюць апіскі, памылкі перакладу, няправільна ўжытыя словы, калі вы бачыце недакладнасці тэксту на «Нашай Ніве» і ў вас свярбяць рукі ўсё павыпраўляць — запрашаем!
Раней у нас не было карэктара, але цяпер мы вырашылі ўзяць на працу асобнага чалавека.
Задача простая, але адказная: аператыўна перачытваць навіны і выпраўляць памылкі. Бездакорнае валоданне беларускай мовай абавязковае.
Загрузка можа абмяркоўвацца, але мінімум на палову дня.
Праца аддаленая, у офісе быць не трэба.
Заробак адпаведны загрузцы, невысокі. Перавага будзе аддавацца кандыдатам з рэгіёнаў.
Магчымае сумяшчэнне з іншай працай.
Дасылайце сваё рэзюмэ на [email protected] з пазнакай «Карэктар».
0
0
0
0
0
0
