Каму з апазіцыі на выбарах напісалі найбольш галасоў РЭЙТЫНГ 9

Ніхто з прадстаўнікоў апазіцыі па выніках галасавання 17 лістапада не трапіў у парламент. У Палаце прадстаўнікоў будуць толькі праўладныя кандыдаты.

«Наша Ніва» азнаёмілася з канчатковымі лічбамі ЦВК, каб паглядзець, колькі ж галасоў набралі прадстаўнікі апазіцыі, паводле афіцыйных лічбаў.

Калі браць працэнтна, то найлепшы паказчык у Мікалая Лысёнкава з Стоўбцаў.

За яго, як лічыцца, аддалі свае галасы 13,1% выбарцаў, што прыйшлі на галасаванне. Лысёнкаў нават перамог на ўчастку ў вёсцы Стары Свержань. Далей ідзе столінскі сацыял-дэмакрат Сяргей Мазан, у яго 12,52%. Лідар кампаніі «Гавары праўду» Андрэй Дзмітрыеў набраў 12,51%.

Затое ў абсалютнай колькасці галасоў Дзмітрыеў займае першае месца, у яго 6375 галасоў.

Усяго на 39 галасоў менш у Мікалая Лысёнкава. А замыкае тут тройку Сяргей Мазан — 5767 галасоў.

У Мінску нечакана найлепшы вынік сярод усіх апазіцыянераў напісалі прадстаўніку партыі БСДГ (лідар Сяргей Чэрачань) Андрыяну Дыбоўскаму — 10,94%, альбо 4738 галасоў. Дыбоўскі балатаваўся ў Сухараве, а працуе ён прадпрымальнікам.

Рэйтынг па працэнтах:

1. Лысёнкаў (Гавары праўду, Стоўбцы) — 13,1
2. Мазан (БСДП, Столін) — 12,52
3. Дзмітрыеў (Гавары праўду, Дзяржынск) — 12,51
4. Канюс (БСДП, Брэст) — 11,38
5. Дыбоўскі (БСДГ, Мінск) — 10,94
6. Альшэўскі (АГП, Дзятлава) — 10,84
7. Вештард (БСДП, Смаргонь) — 10,15
8. Дамаскіна (БНФ, Наваполацк) — 9,47
9. Давідовіч (АГП, Іўе) — 9,24
10. Саранчукоў (БНФ, Гродна) — 9,23
11. Краўцова (Зялёныя, Заслаўе) — 9,12
12. Кавалюк (БСДП, Драгічын) — 8,79
13. Галаніна (БСДП, Кобрын) — 8,31
14. Канеўская (АГП, Гомель) — 8,11
15. Апарын (Справядлівы свет, Мінск) — 7,94
16. Левачоў (Гавары праўду, Лепель) — 7,85
17. Чарнавус (БНФ, Баранавічы) — 7,65
18. Петрусевіч (БСДП, Белавежская) — 7,62
19. Шор (Справядлівы свет, Ліда) — 7,6
20. Маслоўскі (БСДП, Брэст №4) — 7,47

Рэйтынг па колькасці галасоў:

1. Дзмітрыеў (Гавары праўду, Дзяржынск) — 6375
2. Лысёнкаў (Гавары праўду, Стоўбцы) — 6336
3. Мазан (БСДП, Столін) — 5767
4. Альшэўскі (АГП, Дзятлава) — 5161
5. Давідовіч (АГП, Іўе) — 4944
6. Дамаскіна (БНФ, Наваполацк) — 4874
7. Дыбоўскі (БСДГ, Мінск) — 4738
8. Вештард (БСДП, Смаргонь) — 4572
9. Краўцова (Зялёныя, Заслаўе) — 4524
10. Галаніна (БСДП, Кобрын) — 4482
11. Кавалюк (БСДП, Драгічын) — 4468
12. Петрусевіч (БСДП, Камянец) — 4096
13. Канеўская (АГП, Гомель) — 4062
14. Чарнавус (БНФ, Баранавічы) — 4036
15. Левачоў (Гавары праўду, Лепель) — 3919
16. Канюс (БСДП, Брэст) — 3896
17. Лазарэнкаў (БСДП, Івацэвічы)- 3628
18. Маслоўскі (БСДП, Брэст) — 3620
19. Юркоў (Горкі) — 3554
20. Апарын (Справядлівы свет, Мінск) — 3459

Зміцер Панкавец

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ