Няспраўнасць высакавольтнага кабелю стала прычынай аварыйнага спынення цягніка Мінск — Гомель у мінулую нядзелю, паведамляе АНТ.
Інцыдэнт адбыўся каля станцыі Красны Бераг. Пасажыры хуткаснага цягніка пачулі хлапкі, затым адбылася серыя выбліскаў з іскрамі і з'явіўся пах гару, пасля чаго ў салоне знікла электрычнасць.
Эвакуіраваны былі каля 600 пасажыраў. Ніхто з іх не пацярпеў. Праз гадзіну за людзьмі прыехаў іншы састаў. У Гомель пасажыраў даставілі са спазненнем амаль на тры гадзіны.
