У 12.30 пачаўся відэабрыфінг Мінздароўя па пытаннях каранавіруснай эпідэміі ў Беларусі. Такія трансляцыі ладзяцца міністэрствам рэгулярна, і толькі сёння ўдзельнікі сустрэчы з'явіліся ў масках. Праўда, не ўсе, а толькі палова: галоўны дыетолаг Кацярына Пратасава і намесніца начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан. Без маскі выступаў галоўны пазаштатны інфекцыяніст Міністэрства аховы здароўя, загадчык кафедры інфекцыйных хвароб БДМУ Ігар Карпаў і прэс-сакратарка МУС Вольга Чамаданава.
Праўда, пасля таго, як прафесар Карпаў адказаў на пытанні, якія ўваходзяць у яго кампетэнцыі, ён усё ж надзеў маску таксама.
0
0
0
0
0
0