Прэс-служба кіраўніка дзяржавы апублікавала віншаванне Аляксандра Лукашэнкі ў сувязі з 75-годдзем Перамогі.
«Беларусь адзначае гэтую знамянальную дату ў няпросты час. Аднак нашы сённяшнія цяжкасці блякнуць перад бедамі, нягодамі і стратамі, якія выпалі на долю гераічнага пакалення, што выратавала свет ад карычневай чумы», — адзначаецца ў звароце.
— Мы бясконца ўдзячныя ветэранам, якія ў гэты святы для ўсяго народа дзень разам з намі. Аддаём даніну павагі патрыятызму, стойкасці і працавітасці працаўнікоў тылу.
Схіляем галовы ў памяць пра тых, хто не ўбачыў пераможныя майскія салюты 1945 года».
Аляксандр Лукашэнка адзначыў, што «беларусы павінны захаваць у стагоддзях гэту бясцэнную спадчыну — нашу Вялікую Перамогу. Свята шанаваць і абараняць яе ад паклёпу і фальсіфікацый».
