На выбарчы ўчастак, які арганізаваны ў гомельскай школе №66, не пусцілі пяцярых назіральнікаў, якія заявілі пра сваё жаданне прагаласаваць на выбарах. Відэа інцыдэнту, які адбыўся 7 жніўня, апублікавалі ў ютубе, паведамляюць «Моцныя навіны».
Напярэдадні назіральнікі падалі заяву ў міліцыю аб значным завышэнні яўкі ў пратаколах камісій на двух участках, размешчаных у школе. На наступную раніцу іх не пусцілі на выбарчы ўчастак ні ў якасці назіральнікаў, ні ў якасці выбаршчыкаў.
«У нас ёсць пашпарт, мы адносімся да ўчастка і хочам прагаласаваць», — сказала адна з назіральніц.
Аднак дырэктар школы выгнаў людзей з яе тэрыторыі. Ён сказаў, што назіральнікі стаяць там ад аўторка і задаў пытанне: «Чаму не прагаласавалі раней?»
0
0
0
0
0
0
